رۆژی یەكشەممە ئەنجامەکانى وەرگرتنى دەرچوانى دوانزەى ئامادەیی رادەگەیەنرێت و زانکۆکانى هەرێمی کوردستان ئامادەکارى پێویست بۆ پێشوازیکردن لە وەرگیراوان دەكەن.


هەواڵ: (KNNC)

 
وەزارەتى خوێندنى باڵا و توێژینەوەى زانستى رایگەیاند: رۆژى یەکشەمە (2024/11/3) لە کۆنگرەیەکى رۆژنامەوانیدا ئەنجامەکانى وەرگرتنى دەرچوانى دوانزەى ئامادەیی لە زانکۆ و پەیمانگەکان بۆ ساڵى نوێى خوێندنى (2024-2025) ئاشكرا دەكرێت.


ئاماژەی بۆ ئەوەشكردوە، دواى راگەیاندنى ئەنجامەکان لە رۆژی (2024/11/10) دەستدەکرێت بە پرۆسەى خوێندنى قۆناغى یەکەم لە زانکۆکان، بۆیە پێویستە لەسەر وەرگیراوان لەدوای ڕاگەیاندنی ئەنجامەکان ڕاستەوخۆ پەیوەندی بە زانکۆکانیان بکەن.


وەزارەتى خوێندنى باڵا و توێژینەوەى زانستى ئەوەشیخستوەتەڕو: زانکۆکانى هەرێمی کوردستان ئامادەکارى پێویست دەکەن بۆ پێشوازیکردن لە وەرگیراوان بۆ ساڵى نوێى خوێندنى  (2024-2025).