لە دەستپێکی کردنەوەی بازاڕە داراییەکان لەم هەفتەیەدا، نرخی زێڕ دابەزی و گەیشتە 2732.2 دۆلار.

ئابوری:KNNC

ئەمڕۆ دووشەممە لەیەکەم رۆژی کردنەوەی بازاڕە داراییەکان لەم هەفتەیەدا نرخی ئۆنسەیەک زێڕ بەرێژەی  0.5% دابەزی و گەیشتە 2732.90 دۆلار بۆ هەر ئۆنسەیەک.

ئەم دابەزینە دوای ئەوەهات کە رۆژی چوارشەممە نرخی زێڕ بەرزبونەوەیەکی مێژویی تۆمارکرد و گەیشتە 2758.37 دۆلار بۆ هەر ئۆنسەیەک.

بەپێی داتاکانی ئاژانسی ڕۆیتەرز، نرخی ئایندەی زێڕی ئەمریکا بە ڕێژەی 0.33% دابەزیوە و گەیشتوەتە2745.2 دۆلار بۆ هەر ئۆنسەیەک.

هاوکات، پێنوێنی دۆلار بەرامبەر دراوەکانی دیکە ئەمڕۆ دووشەممە بە رێژەی 0.2% بەرزبوونەوەی بەخۆیەوە بینی و گەیشتە بەرزترین ئاستی خۆی لە سێ مانگی رابردوودا.

سەبارەت بە کانزا بەنرخەکانی دیکەش، زیو 0.4٪ دابەزیوە هەر ئۆنسەیەک بە 33.57 دۆلارە، پالادیۆم بەڕێژەی 0.23% بەرزبوەوە و گەیشتە 1025.15 دۆلار بۆ هەر ئۆنسەیەک.