ئابوری ئەڵمانیا روبەڕوی قەیرانی قوڵ بوەتەوە و رێكخراوی پیشەسازی ئەو وڵاتەش هۆشداری لە دابەزینی ئاستی بەرهەمی ناوخۆیی دەدات و دەڵێت: سێ ساڵە لەسەر یەك گەشەسەندن پاشەكشەی كردوە.

ئابوری: (KNNC)

ئەمڕۆ سێشەممە، رێكخراوە پیشەسازییەکانی ئەڵمانیا (BDI) رایگەیاند: ئابوری وڵاتەكەیان روبەڕوی قەیرانی قوڵ بوەتەوە، كە پێدەچێت لە ئەمساڵدا ئاستی بەرهەمهێنانی گشتیی ناوخۆیی بەڕێژەی (0.1%) داببەزێت.

رونیكردوەتەوە، بەئەمساڵەوە، سێ ساڵە لەسەر یەك گەشەسەندی ئابوری ئەڵمانیا و بەرهەمهێنان لە پاشەكشەی بەردەوامدایە.

پیتەر لایبینگەر، سەرۆکی رێكخراوكانی پیشەسازییەکانی ئەڵمانیا لە بەرلین رایگەیاندوە: دۆخی دواكەوتنی گەشەسەندی ئابوری  زۆر جدییە، بە تایبەتی گەشەکردن لە کەرتی پیشەسازیدا توشی داڕمان بوە.

هاوكات، لەسەر گەشەسەندی ئابوری ناوەچی یۆرۆ یەكێتی ئەوروپا بڵاویكردەوە؛ لەئەمساڵدا كیشوەی ئەوروپا بەگشتی و  ناوچەی یۆرۆ بەتایبەتی لەڕوی ئابورییەوە بەرێژەی (1.1%) گەشەسەندی ئابوری بەخۆیەوە دەبینێت و جیهانیش بەڕێژەی (3.2%) گەشەدەكات، ئەوەش ئاماژەیە بۆ ئەوەی كە ئەڵمانیا لەناوچەی یۆرۆ لەوڕی گەشەسەندەوە دوادەكەوێت.

زیادبونی کێبڕکێی و بەرزبونەوەی نرخی تێچوی وزە لەگەڵ بەرزی رێژەی سود، كاریگەری قورسی لەسەر ئابوری ئەڵمانیا بوە.