78 ساڵ لەمەوپێش و لەکاتى شەڕى ساردى نێوان ئەمەریکا و یەکێتى سۆڤیەت، کاتژمێرێک دیزاینکرا کە بە کاتژمێرى "رۆژى دوایی" یاخود قیامەت، ویستیان لەو ڕێیەوە جیهان لە مەترسییەکانى شەڕ ئاگادار بکەنەوە، ئێستا ئەو کاتژمێرە لە حەوت خولەکەوە تەنها 89 چرکەى ماوە و زەوى بەرەو کارەساتى گەورە بەڕێوەیە.

هەمەڕەنگ:KNNC

بڵاوکراوەى "بوڵیتین-ی زانایانی ئەتۆمی"، کە بەرپرسن لە جوڵەپێکردنى ئەم کاتژمێرە و هەر خۆشیان دیزاینیان کردوە لە واشنتۆن باسیان لە مرۆڤایەتیی کرد لەبەردەم مەترسییەکاندا و بۆ ئەمساڵ چرکەکانیان بۆ 89 چرکە کەم کردەوە کە خۆى ساڵى رابردو 90 چرکە بو.

ئەوان هۆشدارى دەدەن کە هیچ کاتێک زەوى هێندەى ئێستا لەبەردەم مەترسیی کارەساتێکى سەرانسەریدا نییە و سەرۆکى پێشوى کۆڵۆمبیاش کە لەئێستادا سەرۆکى رێکخراوى "زە ئێڵدەرس"ـە داوا دەکات بە سەرکردایەتیی بوێرانە و یەکگرتویی چرکەکانى ئەم کاتژمێرە بهێنرێتە دواوە و زەوى و مرۆڤایەتیش لە مەترسییەکان دوربخەینەوە.


سەرۆکى رێکخراوەکە  رەخنەى لە کشانەوەى ئەمەریکاش گرت لە رێککەوتنى کەشوهەواى پاریس و رێکخراوى تەندروستى جیهانى کە یەکێکى دیکەیە لە ئاڵنگارییەکانى بەردەم گۆى زەوى و لە ساڵى 2007 بەهۆى مەترسییەکانى گۆڕانى کەشوهەواوە کاریگەریی لەسەر کاتژمێرەکە دروستبو.