کۆمپانیای مێتا داهاتی کۆمپانیاکەی لە ساڵی 2024 ئاشکرا کرد و دەڵێت: زیادی کردوە و قازانجی کۆمپانیاکەش بە زیاتر لە %50 بەرزبوتەوە.

هەمەڕەنگ:KNNC

کۆمپانیای مێتا، کە خاوەندارێتی تۆڕە کۆمەڵایەتییەکانی فەیسبوک، ئینستاگرام و وەتسئەپ دەکات، راپۆرتی دارایی ساڵی 2024ـی بڵاوکردەوە و تێدا داهاتی کۆمپانیاکە لە 2024ـدا 164.5 ملیار دۆلار بوە کە بەراورد بە ساڵی 2023 بەڕێژەی  22% بەرزبونەوەی بەخۆیەوە بینیوە.

ئاماژە بەوەشکراوە، 62.36 ملیار دۆلاری پوختەی قازانجی کۆمپانیاکە بوە، ئەمەش بەراورد بە ساڵی 2023 بەڕێژەی 59% بەرزبوەتەوە، هاوکات بەرزبونەوەی نرخی ریکلام هۆکاری بەرزبونەوەی داهاتەکانی کۆمپانیای مێتا بوە.

لەلای خۆشیەوە، مارک زوکەربێرگ، بەڕێوەبەری جێبەجێکاری کۆمپانیای مێتا رایگەیاند، لە 2025ـدا پەیوەندییەکانیان لەگەڵ حکومەتەکەی دۆناڵد ترەمپ باشتر دەکەن.