وەزارەتی ناوخۆی عێراق رایدەگەیەنێت: قەدەغەی هاتوچۆ بۆ سەرژمێری لە كاتژمێر (12ـی شەوی 19ـی مانگ)ـەوە  دەستپێدەكات، بەڵام حاڵەتە مرۆییەكان و ئاڵوگۆڕی بازرگانی و گەشتە ئاسمانییەكان ناگرێتەوە.

هەواڵ: (KNNC)

لە كۆنگرەیەكی رۆژنامەوانیدا میقدار موسەوی، وتەبێژی وەزارەتی ناوخۆی عێراق ئاشكرایكرد؛ قەدەغەی هاتوچۆ بۆ سەرژمێری لە كاتژمێر (12ـی شەوی 19ـی مانگە)ـوە دەستپێدەكات و بۆ ماوەی دو رۆژ بەردەوام دەبێت.

رونیكردەوە؛ لە ماوەی (20، 21 و 22ـی 11ـی 2024) قەدەغەی هاتوچۆ لە سەرجەم پارێزگاكانی عێراق بە هەرێمی كوردستانیشەوە دەگرێتەوە و هاتوچۆی ئۆتۆمبێل لەنێوان پارێزگا و قەزاو ناحیەكاندا قەدەغە دەكرێت.


وتەبێژی وەزارەتی ناوخۆی عێراق ئاماژەی بۆ ئەوەشكرد، هاتوچۆ بۆ حاڵەتە مرۆییەكان رێگە پێدراوە لەگەڵ ئاڵوگۆڕە بازرگانی و گەشتە ئاسمانییەكان، كە قەدەغەكە ئەوان ناگرێتەوە.