سەرۆك وەزیرانی عێراق رایدەگەیەنێت: سەرژمێری گشتی هۆكارێكە بۆ دامەزراندنی عێراقێكی نوێ و سوپاسی هەمو ئەو كەس و شوێنانە دەكات كاریان بۆ سەرخستنی پرۆسەكە كردوە.

هەواڵ: (KNNC)

محەمەد شیاع سودانی، سەرۆك وەزیرانی عێراق رایگەیاند: ئەنجامدانی پرۆسەی سەرژمێری گشتی وادەكات كە لەسەر بنەمای داتا و زانیاری ورد، عێراقێكی نوێ دابمەزرێت، پرۆسەكە یاریدەدەرە بۆ پلان دانان و پێشخستنی بەرنامەی گەشەپێدانی ئابوری، دابینكردنی خزمەتگوزاری و کۆمەڵایەتی، بەجۆرێك دەتوانرێت لەڕوی سیاسیشەوە سود لە پرۆسەی سەرژمێری وەربگیرێت.

وتیشی: بۆ ئەنجامدانی سەرژمێری گشتی دانیشتوانی عێراق، حکومەت توانی لەرێگەی بەمیکانیزمی کارکردن رێكارەكان جێبەجێ كردوە، تێیدا ئامرازی تەکنەلۆژی و شێوازی مۆدێرن بەکارهێنراوە كەئەوەش هەوڵەکان و تێچونەكانی کەمکردەوەتەوە هەروەها ئەنجامەكانی زیاتر متمانە پێکراوە.

سەرۆك وەزیرانی عێراق سوپاسی  هەریەك لە كارمەندان و بەرپرسانی وەزارەتی پلان دانانی عێراق و هەرێم ودامەزراوە ئاینیەكان و مەزهەبەکانی كرد كە كاریان بۆ سەركەوتنی پرۆسەی سەرژمێری گشتی كردوە و خەڵكیان لە گرنگی سەرژمێری هۆشیاركردوەتەوە و هانی خەڵكیان داوە بەشداربن لە سەركەوتنی سەرژمێری گشتی.


وتەكانی محەمەد شیاع سودانی، سەرۆك وەزیرانی عێراق لەچوارچێوەی سەردانەكەیدایە بۆ وەزارەتی پلاندانان بۆ پێداچونەوە بەجێبەجێکردنی رێكارەكانی سەرژمێری گشتی دانیشتوان لە سەرتاسەری عێراقدا.