وەزارەتى پلاندانانى عێراق چارەنوسى ئەو هاوڵاتییە عێراقییانەى لە سەرژمێرى گشتى ئاشکرا کرد کە لە دەرەوەى وڵات دەژین و دەڵێت: ئەوەى لە سەرژمێرى نەبێت و تۆمار نەکرێت بە عێراقى دانانرێت لە سەرژمێرییەکە.

هەواڵ:KNNC

وەزارەتەکە ئاماژەى بۆ ئەوەکردوە کە لە ئەو عێراقییانەى لە دەرەوەى وڵات دەژین دەخرێنەناو سەرژمێرى دانیشتوان، بەڵام لە قۆناغى داهاتودا کە سەرژمێرى تیشک دەخاتەسەر ژمارەى دانیشتوانى ئێستا و ژمارەى عێراقییەکان و هاوڵاتییانى وڵاتانى دیکە لەناو عێراقن، هاوڵاتییانى دەرەوەى وڵات و ئەوانەى لە ماڵ نەبن تۆمار ناکرێن.

عەلى ئەلموبەرقع، راوێژکارى وەزارەتى پلاندانى عێراق بۆ کاروبارى سەرژمێرى رایگەیاند؛ سەرژمێرى گشتى بۆ زانینى ژمارەى عێراقییەکانى ناوخۆى وڵاتەکەیە و ئەوانەى لە دەرەوە دەژین دواتر لە هەماهەنگى لەگەڵ باڵیۆزخانەى ئەو وڵاتانەى عێراقییەکانى لێدەژین لەماوەیەکى دیاریکراودا ئەنجام دەدرێن.


ئەوەشى ئاشکرا کرد کە ئەنجامى سەرژمێرییەکە دواى ماوەیەکى کەم ئاشکرا دەکرێت و بڵاودەکرێتەوە، جگە لە ناوچە کێشەلەسەرەکان و داتاکانیان لەسەر بڕیارى ئەنجومەنى وەزیرانى عێراق بڕیارى لەسەر دەدرێت.