وەزیری دەرەوەی تورکیا ڕایگەیاند: ئیدارەی ترەمپ چاو بە پەیوەندییەکانی لەگەڵ پەکەکە دەخشێنێتەوە و پێویستە واشنتۆن لە ئەنقەرە تێبگات.

هەواڵ:KNNC

هاکان فیدان وەزیری دەرەوەی تورکیا رایگەیاند، تائێستا هیچ ئاماژەیەکی ڕون لە دۆناڵد ترمپ، سەرۆکی هەڵبژێراوی ئەمریکا لەبارەی دۆخی سوریا نییە، بەڵام پێیان وایە ئەمریکا بەو پەیوەندیانەدا دەچێتەوە کە وڵاتەکەی لەگەڵ پەکەکە هەیەتی.

لەبارەی سیاسەتی ترەمپ لە سوریا و پەیوەندییەکانی لەگەڵ تورکیا، وەزیری دەرەوەی تورکیا وتی: ئاماژەیەکی رون نییە ترەمپ لە سوریا چی دەکات، بەڵام لە هەر دەرفەتێکدا بە ئیدارەکەی ڕادەگەیەنن تورکیا لە مەسەلەی پەکەکە جدییە.

فیدان وتیشی: تا ئەمریکا لە سوریا هاوکاریی پەکەکە/ یەپەگە بکات، کێشەی ستراتیژیان لەگەڵ تورکیا بەردەوام دەبێت، بۆیە دەبێت واشنتۆن لە ئەنقەرە تێ بگات.