سوپای ئیسرائیل رایگەیاند، حیزبوڵای لوبنان 160 موشەکی ئاڕاستەی باکور و ناوەڕاستی وڵاتەکە کردوە و بەهۆیەوە چەند کەسێک برینداربون.

هەواڵ:KNNC

سوپای ئیسرائیل رایگەیاند، تا کاتژمێر (3:00)ـی پاشنیوەڕۆ ئەمڕۆ یەکشەممە، حیزبوڵای لوبنان 160 موشەکی ئاڕاستەی باکور و ناوەڕاستی وڵاتەکە کردوە.

ئاماژەی بەوەشکردوە، بەهۆی ئەو هێرشەوە چەند کەسێک برینداربون بەبێ ئەوەی ئاماژە بە ژمارەی کوژراوان بدات.

هاوکات، حیبزوڵای لوبنان لە بەیاننامەیەکدا رایگەیاند، بە ژمارەیەک موشەک و فڕۆکەی بێفڕۆکەوان بنکەیەکی هەواڵگری (گالیلۆت)ـی ئیسرائیلیان لە تەلئەبیب بۆردومانکردوە.

لە ٢٣ی ئەیلولی ئەمساڵەوە، ئیسرائیل هێرشە ئاسمانییەکانی بۆ سەر بنکە و بارەگاکانی حیزبوڵای لوبنان دەستپێکردوە و لەو کاتەوە تا ئێستا نزیکەی سێ هەزار و 670 کەس بەهۆی ئەو هێرشانەوە کوژراون.