کەشناسی هەرێم رایگەیاند، ئەو شەپۆلە بارانبارینەی ناوچەکەی گرتوەتەوە ئێوارەی ئەمڕۆ کۆتاییدێت و پلەکانی گەرما بۆ ژێر سفر دادەبەزن.

هەواڵ:KNNC

بەڕێوەبەرایەتی کەشناسی و بومەلەرزەزانی هەرێم بڵاویکردەوە، ئەمڕۆ ئاسمان بە گشتی نیمچە هەوردەبێت، لە ناوچە شاخاوییە سنوری و بەرزەکان، ئەگەری بەفربارین هەیە، لە سەنتەری پارێزگاکان و سەرجەم ناوچە جیاجیاکان تا کاتەکانی دوانیوەڕۆ ئەگەری بارانبارینی پچڕ پچڕ هەیە.

دەشڵێت: لەکاتەکانی ئێوارە کەشەکە جێگیر دەبێت و کاریگەری شەپۆلی بارانبارین کۆتاییدێت و پلەکانی گەرما نزمتر دەبنەوە.

سەبارەت بە کەشی سبەینێ پێنجشەممە کەشناسی هەرێم ئاماژەی بەوەکردوە، ئاسمان ساماڵ و سارد دەبێت، پلەکانی گەرما بۆ ژێر سفر دادەبەزن.

بەرزترین پلەکانی گەرمای پێشبینیکراو بە پلەی سیلیزی:

 
هەولێر: 13 پلەى سیلیزى
سلێمانی: 11 پلەى سیلیزى
دهۆک: 10 پلەى سیلیزى
کەرکوک: 17 پلەى سیلیزى
هەڵەبجە : 12  پلەى سیلیزى
زاخۆ: 12 پلەى سیلیزى
حاجی ئۆمەران: 2 پلەى سیلیزى
سۆران:  10 پلەى سیلیزى
گەرمیان: 20 پلەى سیلیزى