نرخى نەوت لە بازاڕەکانى جیهان گۆڕانکارییان بەسەرداهاتوە و هەریەک لە نەوتى خاوى برێنت و تەکساسى ئەمەریکیش نرخەکەیان بەراورد بە رۆژی رابردو بەرزبونەوەیەکى کەمى تۆمار کردوە.

هەواڵ:KNNC

ئەمڕۆ چوارشەممە، لە بازاڕەکانى جیهان، نرخى بەرمیلێک نەوتى خاوى برێنت بە  (72) دۆلار و (59) سەنت مامەڵەی پێوەدەکرێت و بەراورد بە رۆژى رابردو نرخەکەى 8 سەنت بەرزبوەتەوە.

جیا لە نەوتى برێنت، نرخی یەک بەرمیل نەوتی تەکساسى ئەمەریکیش بە (68) دۆلار و (99) سەنت مامەڵەی پێوەدەکرێت و بەراورد بە دوێنێ نرخەکەى یەک دۆلار و سێ سەنت بەرزبوەتەوە.