وەزارەتی بازرگانیی هەرێم ڕایگەیاند: ئەمڕۆ کۆتا گوژمەی پارەی جوتیارانی هەرێم، لە بەغدادەوە خەرج دەکرێت کە بڕەکەی نزیکەی 126 ملیار دینارە.

هەواڵ:KNNC

وەزارەتی بازرگانی و پیشەسازیی هەرێمی کوردستا بڵاویکردەوە،: حکومەتی عێراق، ئەمڕۆ دوایین گوژمەی پارەی جوتیارانی هەرێم خەرج دەکات.

ئاماژەی بەوەش کرد: بڕە پارەیەی بڕیارە بەغداد ئەمڕۆ خەرجی بکات، 125 ملیار و 852 ملیۆن و 997 هەزار دینارە، وتیشی: لەگەڵ گەیشتنی پارەکە، دەست دەکەن بە ڕێککارەکان.

لە ڕاگەیاندراوەکەشدا هاتوە، پارەی جوتیارانی سلێمانی، 47 ملیار و 642 ملیۆن و 421 هەزار دینارە و بۆ هەولێر 44 ملیار و 45 ملیۆن و 43 هەزار دینار و پارەى جوتیارانى دهۆکیش 34 ملیار و 165 ملیۆن و 543 هەزار دینارە.