کەشناسى پێشبینییەکانى بۆ کەشوهەواى 48 کاتژمێرى داهاتو بڵاوکردەوە و بەوپێیە ئەمڕۆ و سبەینێ کەشەوهەوا ناجێگیر دەبێت، بەفر دەبارێت و پلەکانى گەرماش بەشێوەیەکى بەرچاو دادەبەزن.

هەواڵ:KNNC

بەپێی ئەو پێشبینییانەى کەشناسى سلێمانى بڵاویکردوەتەوە؛ ئەمڕۆ ئاسمان لەنێوان نیمچەهەور بۆ هەوری تەواو دەبێت، لە کاتەکانی ئێوارە نمە باران و بەفر سەرەتا لەناوچە شاخاوییە سنورییەکانی باکور دەبارێت، پاشان کاریگەرییەکەى درێژ دەبێتەوە بۆ ناوچەکانی  ئیدارەی سۆران و بەفر لە تەواوی ناوچە شاخاوییە سنورییەکانی ئەم دەڤەرە دەبارێت و  کاریگەری بەردەوامی دەبێت بۆ رۆژی هەینی.

لەبارەى کەشوهەواى سبەینێشەوە پێشبینى دەکرێت کە نمەباران و بەفر لەناوچە شاخاوییەکان بەتایبەتی لەناوچەکانی  ئیدارەی سەربەخۆکانی سۆران و راپەرین پاشان کاریگەریی بە لاوازی درێژ ببێتەوە بەرەوناوچەکانی رۆژهەڵاتی هەرێم و پارێزگای هەڵەبجە پاشان لەکاتەکانی ئێوارە کۆتایی بە دابارین دێت کەش جێگیر دەبێتەوە.

بەرزترین پلەکانی گەرمای پێشبینیکراو بە پلەی سیلیزی :
هەولێر : 14 پلەى سیلیزى
سلێمانی: 7 پلەى سیلیزى
دهۆک: 11 پلەى سیلیزى
کەرکوک: 12 پلەى سیلیزى
هەڵەبجە : 11  پلەى سیلیزى
زاخۆ:  11 پلەى سیلیزى
حاجی ئۆمەران : -1 پلەى سیلیزى
سۆران :  8 پلەى سیلیزى
گەرمیان :   14 پلەى سیلیزى