قائیمقامیەتى سلێمانى جەخت دەکاتەوە کە کێشەى غازى ماڵان لە شارەکە
بونى نییە و هەر وەکیل و غازفرۆشێک قۆرغکارى بکات یاخود نرخ بەرز بکاتەوە سزا
دەدرێت.
هەواڵ:KNNC
لە راگەیەنراوێکدا قائیمقامیەتى سلێمانى هۆشدارى
بە غازفرۆشەکان دەدات و دەڵێت: دوای گەیشتنی چەند سکاڵایەکی هاوڵاتییان
لەسەر پێنەدانی غاز لەلایەن غازفرۆشەکان (وەکلیلەکان)ـەوە، لیژنەکان بەدواداچونیان
کردوە دەرکەوتوە سەرباری هەبونی غاز وەکیلەکان غازی ماڵانیان بۆ هاوڵاتیان دابین نەکردوە.
جەختیش دەکەنەوە کە پێویستە هەرکاتێک هاوڵاتییان
داوای غازی ماڵانیان کرد دەسبەجێ بۆیان دابین بکەن، بەپێچەوانەوە روبەڕوی سزای
توند دەکرێنەوە.
سەرۆکی لیژنە هاوبەشەکانی قائیمقامیەت هاوڵاتیان
دڵنیا دەکاتەوە کە لە شاری سلێمانی کێشەی کەمی غازی ماڵان بونی نییە و ئەگەر
حاڵەتى قۆرغکاریی یان بەرزکردنەوەى نرخەکان هەبو ئەوا لەڕێی (07708677777)
ئاگاداریان بکەنەوە تا روبەڕوى رێکاری یاساییان بکەنەوە.
151 جار خوێندراوەتەوە