ئاسایشی عێراق ده‌ستگیركردنی تیرۆریستێكی راگه‌یاند كه به‌نیازبوە
له دوزخورماتو هێرشێكی تاوانكاری ئه‌نجام
بدات.
هەواڵ: (KNNC)
میدیا عێراقییەكان بڵاویانكردەوە؛ هێزێك له ده‌زگای ئاسایشی
نیشتمانی توانیویانە تیرۆریستێك ده‌ستگیربكەن
كه به‌نیاز بوە له قه‌زای دوزخورماتو هێرشێكی تاوانكاری گه‌وره ئه‌نجام بدات.
ئاشكرایان كردوە، تۆمه‌تباره‌كه سه‌ر "ویلایه‌تی كه‌ركوك"ـه
و بێجگه له په‌ره‌پێدانی بانده تیرۆریستییه‌كان له‌ڕێگه‌ی تۆڕه‌كانی سۆشیال
میدیاوه، ئه‌ركەكەی دابینكردنی پاڵپشتی لۆجستی و كه‌ره‌سته‌ی ته‌قینه‌وه‌كانی
بوە.
میدیا عێراقییەكان لەسەر زاری ئاسایشی
عێراقەوە ئاماژەیان بۆ ئەوەكردوە، به‌پێی دانپێدانانه‌كانی دەستگیركراوەكە، چه‌كدارانی
داعش رایانسپاردوە كرده‌وه‌ی تیرۆریستی دژ به هێزه ئه‌منییه‌كانی دوزخورماتو،
ئەنجام بدات بۆ ئەو مەبەستەش پێشتر له گۆڕستانێكدا چەك و تەقینەوەكانی شاردبویه‌وه.
181 جار خوێندراوەتەوە