ملیاردێرى ئەمەریکى و خاوەنى کۆمپانیاى تێسلا دەڵێت: بە ئەگەرێکى زۆرەوە تەقینەوەى سایبەر ترەک لەبەردەم بیناى ترەمپ کردەوەسەکى تیرۆرستى بوە.

هەواڵ:KNNC

ئیلۆن مەسک، گەورە ملیاردێرى جیهان و خاوەنى کۆمپانیاى تێسلا لە لاپەڕەى خۆى لە تۆڕى کۆمەڵایەتیی ئێکس نوسیویەتى:" بە ئەگەرێکى زۆرەوە گڕگرتنى ئۆتۆمبێلى سایبەرترەک لە لاس ڤێگاس تیرۆرستى بوە.

مەسک نوسیویەتى:" تا ئێستا هیچ روداوێکى هاوشێوەمان نەبینیوە، هەرکات گەیشتینە زانیاریی زیاتر بڵاوى دەکەینەوە و ئاگادارتان دەکەینەوە.

دەشڵێت: دەکرێت پەیوەندییەک هەبێت لەنێوان بەکرێگرتنى ئۆتۆمبێلە سایبەرترەکەکە تەقینەوەی و روداوەکەى نیو ئۆرلێنز.

 رۆژى چوارشەممە، ئۆتۆمبێلێکى جۆرى سایبەرترەک لەبەردەم هۆتێلێکى دۆناڵد ترەمپ تەقیەوە و میدیاکانى وڵاتەکە ئاماژەیان بۆ ئەوەکرد کە بەهۆیەوە کەسێک گیانى لەدەستداوە و حەوت کەسیش بریندار بون و بەهۆشیەوە بەناچاریی هۆتێلەکەى ترەمپ لە میوانان چۆڵ کراوە.