نەتەوەیەکگرتوەکان ئاشکرایدەکات کە لە ئۆکتۆبەرى 2023ـوە تا ئێستا، نزیکەى 7%ـى دانیشتوانى کەرتى غەززە کوژراون یاخود بریندار کراون.

هەواڵ:KNNC

ریک پەیپەکۆرن، نوێنەرى رێکخراوى نەتەوەیەکگرتوەکتن لە خاکى فەڵەستین ئاشکرایکردوە کە لە 7ـى ئۆکتۆبەرەوە نزیکەى 7%ـى دانیشتوانى غەززە یان روبەڕوى کوشتن بونەتەوە یاخود بریندار کراون و دەشڵێت: 25%ـى ئەوانەى بریندار بون کە ژمارەیان 105 هەزار کەسە، برینەکەیان ژیانى گۆڕیون و تا کۆتایی ژیانیان پێویستیان بە چارەسەرى تەندروستى دەبێت.

ئاماژەى بۆ ئەوەشکردوە کە ژمارەى برینداران لەسەرەتاى شەڕى حەمماس و ئیسرائیلەوە لە کەرتى غەززە 108583 کەسن، لەو ژمارەیەش زیاتر لە 12 هەزار کەسیان پێویستیان بە ناردنە دەرەوەیە بۆ وەرگرتنى چارەسەرى پێویست.

ئەو نوێنەرەى نەتەوەیەکگرتوەکان ئەوەشى ئاشکرا کردوە کە ئەگەر بردنەدەرەوەى بریندارەکان بەمشێوەیەی ئێستا بە خاوى بڕوات ئەوا 5 بۆ 10 ساڵى دیکەیان دەوێت تا ئەو نەخۆشانە چارەسەر بکەن کە پێویستیان پێیەتى.