سەرۆکى فەرەنسا جەخت دەکاتەوە کە وڵاتەکەى بە سادەیی مامەڵە لەگەڵ دۆخى سوریا ناکات و جەختیش دەکاتەوە کە پشت لە کورد ناکەن لە وڵاتەکە.

هەواڵ:KNNC

ئیمانوێل ماکرۆن، سەرۆکى فەرەنسا، لە کۆبونەوەیەکى لەگەڵ باڵیۆزانى وڵاتەکەى و دواى سەردانى وەزیرى دەرەوە بۆ سوریا و کۆبونەوەى لەگەڵ ئەحمەد شەرع، سەرۆکى دەستەى تەحریر شام، رایگەیاند؛ نابێت بە سادەیی و ساویلکەیی لە دۆخى سوریا بڕوانرێت.

ئاماژەى بۆ ئەوەشکردوە شەڕڤانانى کورد لە رۆژئاواى کوردستان کە بە "جەنگاوەرانى ئازادى" ناوى بردون، شەڕ دژى گروپە توندڕەوەکانى سوریا دەکەن و جەختى کردوەتەوە کە فەرەنسا پشتیان تێناکات.

پێشتر جان نوێل بارۆ، وەزیرى دەرەوەى فەرەنسا لە دیمەشق رایگەیاند؛ هیوادارن سوریا ببێتە وڵاتێکى خاوەن سەروەریی و سەربەخۆ و ئارام، بەڵام ئەم ویستەى بە ویستێکى "ناسک" ناوبردوە.