وەزارەتی بەرگری ئەمەریکا رایگەیاند، 11 زیندانی یەمەنی کە لە زیندانی گوانتانامۆ دەستبەسەرکرابون، رادەستی حکومەتی عومان کراون، ئێستا تەنها 15 کەس لە زیندانەکەدا ماون.

هەواڵ: KNNC

پێنتاگۆن لە ڕاگەیەنراوێکدا ئاشکرایکرد، لەچوارچێوە هەوڵەکانیان بۆ کەمکردنەوەی ژمارەی زیندانیانی گوانتانامۆ، 11 زیندانی یەمەنیان، ڕادەستی حکومەتی عومان کردوە و بەو هۆیەشەوە هەوڵێستی عەمان و هاوپەیمانەکانی بەرز دەنرخێنێت. 

بەپێی ئامارەکانی پێنتاگۆن، لە ئێستادا تەنیا 15 کەس لە زیندانی گوانتانامۆ دەستبەسەرن، سێ دەستگیرکراویان مافی گواستنەوەیان هەیە بۆ وڵاتەکەیان یان بۆ وڵاتی سێیەم و سێ زیندانی دیکەش مافی پێداچوونەوە بە دۆسیەکانیاندا هەیە.

لە ڕاگەیەنراوەکەدا هاتوە، حەوت زیندانی دیکەش بەهۆکاری جیاواز تۆمەتبارن و دو زیندانی دیکەش سزایان بۆ بڕدراوەتەوە. 

لەو 15 زیندانیە دیارترینیان خالید شێخ محەمەدە کە بەگوتەی ئەمەریکا کەسی سەرەکی هێرشەکانی 11ـی سێپتەمبەری 2001 و پێش هەوڵەکان بۆ کەمکردنەوەی ژمارەی دەستبەسەرکراوان لە زیندانی گوانتانامۆ، 800 کەس لەو زیندانەدا دەستبەسەر بون.