ئێران لە بارەی ڕۆڵی وڵاتەکەیەوە لە ڕۆژهەڵاتی ناوەڕاست وەڵامی سەرۆکی فەڕەنسا دەداتەوە و رایگەیاند، وتەکانی ئیمانوێل ماکرۆن بێبنەمان.

هەواڵ:KNNC

ئیسماعیل باغایی، وتەبێژی وەزارەتی دەرەوەی ئێران رایگەیاند، وتەکانی ئیمانوێل ماکرۆن-ـی سەرۆکی فەڕەنسا سەبارەت بەوەی تاران تەحەدای سەرەکی ئەمنی و ستراتیژی رۆهەڵاتی ناوەڕاستە، بێبنەمان.

وتیشی: ئەوە فەڕەنسایە نایەوێت ئاشتی و سەقامگیری لە رۆژهەڵاتی ناوەڕاست بێتە ئاراوە.

وەتەبێژی وەزارەتی دەرەوەی ئێران، داواشی لە فەڕەنسا کرد هەوڵی بونیادنانی ئاشتی و سەقامگیری لە ناوچەکە بدات.

لێدوانەکەی وتەبێژی وەزارەتی دەرەوەی ئێران لەکاتێدایە، دوێنێ ئیمانوێل ماکرۆن سەرۆکی فەڕەنسا، ئێرانی بە دروستکردنی ئاستەنگ بۆ ئاسایشی ڕۆژهەڵاتی ناوەڕاست وەسف کرد.