بومەلەرزەیەکی بەهێز رۆژئاوای چینـی هەژاند  و تا ئێستا 53 کەس گیانیان لەدەستداوە.

هەواڵ:KNNC

ناوەندی تۆڕی بومەلەرزەی چین بڵاویکردەوە، بەرەبەیانی ئەمڕۆ سێشەممە بومەلەرزەیەک بە گوڕی 6.8 پلەی رێختەر لە هەرێمی خۆسەری تبت لە رۆژئاوای چین تۆمارکراوە و بەهۆیەوە 59 کەس گیانیان لەدەستداوە و 62 کەسی دیکەش بریندار بون.

ئاماژەی بەوەشکردوە، ناوەندی بومەلەرزەکەی ناوچەی تێنگری لە شاری شیگاتسێ بووە و لە قوڵایی 10 کیلۆمەتر رویداوە.

بەگوێرەی ئاژانسی هەواڵی شینخوای چینی، بەهۆی بومەلەرزەکە زیاتر لە هەزار باڵەخانە بە پلەی جیاواز زیانیان پێگەیشتوە.

دوابەدوای روداوەکە، تیمەکانی فریاگوزاری گەیشتونەتە ناوچەکە و گەڕان و رزگارکردنی قوربانیان دەستیپێکردوە.

هاوکات، روپێوی جیۆلۆجی ئەمەریکا ڕایگەیاند کە قەبارەی بوومەلەرزەکە گەیشتوەتە7.1 پلە.