دەستەى فڕۆکەوانیی مەدەنى سوریا وادەى دەستپێکردنەوەى گەشتە ئاسمانییەکانى لە فڕۆکەخانەى دیمەشق ئاشکرا کرد و دەڵێت: دەتوانین گەشتەکان لە تەواوى وڵاتانى جیهانەوە وەربگرین.

هەواڵ:KNNC

ئەشهەد سەلیبى، سەرۆکى دەستەى فڕۆکەوانیی سوریا بە ئاژانسى هەواڵى سوریاى راگەیاندوە؛ لە 7ـى1ـى 2025 گەشتە ئاسمانییەکان لە فڕۆکەخانەى دیمەشق و بۆ فڕۆکەخانەکەش دەستپێدەکاتەوە.

ئاماژەى بۆ ئەوەشکردوە کە دەستپێکردنەوەى گەشتەکانیان دواى ئەنجامدانى چاکسازی دێت لە فڕۆکەخانەى حەلەب و دیمەشق تا بتوانن پێشوازى لە گەشتەکان بکەن لە تەواوى وڵاتانى جیهانەوە.


لە 27ـى 11ـى ساڵى رابردوەوە دواى دەستپێکردنى هێرشەکانى تەحریر شام و دواتر روخانى رژێمى بەشار ئەسەد لە 8ـى 12ـى هەمان ساڵەوە هیچ گەشتێکى دەرەکى لە فڕۆکەخانەى دیمەشقەوە ئەنجامنەدراوە و بڕیارە لە چەند رۆژى داهاتودا گەشتەکانیان دەستپێبکاتەوە.