ئەندامێکى ئەنجومەنى نوێنەرانى عێراق هۆشداری دەدات
لە مەترسی هەرەسهێنانی ئابوریی وڵات و دەڵێت: لەكاتی دابەزینی نرخی نەوت،
حكومەت ناتوانێت موچەی فەرمانبەران بدات.
ئابورى:KNNC
عامر عەبدولجەبار، ئەندامى ئەنجومەنى نوێنەرانى
عێراق لە لێدوانێكیدا بۆ میدیا عێراقییەکان رایگەیاندوە: ئەو سیاسەتە نەختینەیەی
بانكی ناوەندیی عێراق پەیڕەوی دەكات، شكستخواردوە و بەمنزیكانە ئەو سیاسەتە دەبێتە
هۆی هەرەسهێنانی ئابوریی وڵات.
وتوشیەتى: پارێزگاری بانكی ناوەندیی عێراق فرۆشتنی
دۆلاری گەیاندوەتە 300 ملیۆن دۆلار لەڕۆژێكدا، ئەوەش كارێكی مەترسیدارە و ئاماژەیە
بۆ زیادبونی سپیكردنەوەی پارە و بردنەدەرەوەی درایی بیانی، هەمو ئەوانەش دەبنە هۆی
دروستبونی هەرەسهێنانی ئابوری و كەموكوڕیی گەورە لە پارەی نەختینەدا.
عامر عەبدولجەبار هۆشداری دەدات لەوەى، لەگەڵ
دابەزینی نرخی نەوت، حكومەت روبەڕوی ئاستەنگ دەبێتەوە لە دابینكردنی
موچەی مانگانەی فەرمانبەران و ناتوانێت وەك پێویست پارە دابین بكات.
830 جار خوێندراوەتەوە