وەزارەتی پێشمەرگە دابەشکردنى هاوکاریی
هاوپەیمانانى بۆ مانگى دوو راگەیاند و لە زارى هاوپەیمانیشەوە دڵنیایی لە
بەردەوامیی ئەم هاوکارییە دەدات.
هەواڵ:KNNC
وەزارەتەکە لە راگەیەنراوێکدا
دەڵێت: رۆژی پێنجشەممە بەرواری 6ـى ئازاری 2025 هاوکاریی دارایی هاوپەیمانان بۆ مانگى دوو بەسەر ئەفسەر و پێشمەرگەکانی سەر بە دیوانی وەزارەت
و یەکەكانى پیادەی وەزارەتی پێشمەرگە دابەش دەکرێت.
ئاماژە بۆ ئەوەکراوە
کە دوای ئەوەی هاوکاری هێزەکانی هاوپەیمانان بۆ هێزی پێشمەرگە خرایەسەر هەژماری وەزارەتی
پێشمەرگە، بەڕێوەبەرایەتی گشتی بودجە و بەرنامەکان(ژمێریاری سەربازی)، رێکارە دارایی
و ژمێریارییەکانی بەکۆتا هێناوە و پێنجشەممە دەست بە دابەشکردنى دەکرێت.
ئەوەش ئاشکرا کراوە کە
هاوپەیمانان جەختیان کردوەتەوە کە ئەم هاوکارییە داراییە بەردەوام دەبێت و
نابڕدرێت و زیاتر لە 46 هەزار پێشمەرگە و ئەفسەری سەربە وەزارەتی پێشمەرگە لە رێگەی
هەژماری من هاوکارییەکە وەردەگرن، ئەوانی تریش لە رێگەی سیستەمی بانکییەوە.
161 جار خوێندراوەتەوە