ژنێکى دووگیان لە ناحیەى جەلەولا، دواى ئەوەى
منداڵەکەى بە چوار مانگى لەلایەن مامانەوە دەرهێنراوە، تەندروستى تێکچوە و دواى
گەیاندنیشى بە نەخۆشخانەى شێرەى نەقیب لە کەلار، گیانى لەدەستداوە.
هەواڵ:KNNC
پەیامنێرى کەى ئێن ئێن
رایگەیاند؛ درەنگانى شەوى رابردو ژنێک گەیەنراوەتە نەخۆشخانەى (شەهید شێرەى نەقیب بۆ ژنان و منداڵبون) کە
بەهۆى دەرهێنانى کۆرپەلەکەیەوە تەندروستى تێکچوە و چارەسەرى پێویستى وەرنەگرتوە.
ئاماژەى بۆ ئەوەکرد کە
پێش گەیاندنى بە نەخۆشخانە کۆرپەلە چوار مانگییەکەى ئەم ژنە لەلایەن مامانێکەوە
دەرهێنراوە کە "نازانرێت لەبارچوە یاخود نا" و دواى ئەوە تەندروستیشى تێکچوە دایکەکە
گەیەنراوەتە نەخۆشخانە و لەوێ بەهۆى خراپى دۆخییەوە گیانى لەدەستداوە.
پەیامنێرى کەى ئێن ئێن
ئەوەشى خستەڕو کە لەئێستادا لیژنەیەکى لێکۆڵینەوە پێکهێنراوە بۆ گەیشتن بە هۆکارى
گیانلەدەستدانى منداڵەکەش و دایکەکەش، هەرچەندە بۆ گەیشتن بە زانیارى زیاتر
پەیامنێرمان هەوڵیداوە پەیوەندى بە بەڕێوەبەرى نەخۆشخانەی شێرەی نەقیب بۆ مناڵبون بکات، بەڵام وەڵامی هیچ پەیوەندییەکی
نەداوەتەوە.
کەلار/ پشتیوان وەنداوى
703 جار خوێندراوەتەوە