كاتژمێر (9:15) خولەكی ئەمشەو یاریگای جەوهەرە لە جەددە دەبێتە شانۆیەكی رازەوە بۆ بەرێوەچونی كلاسیكۆی خولی رۆشن و تێیدا یانەی ئیتیحاد میوانداری هیلال دەكات.

وەرزش:KNNC

یاریەكە یەكێك دەبێت لەیاریەكانی هەفتەی 21ی خولەكە و یاری رۆشتنی نێوان هەردو یانەش بەسودی هیلال و بەئەنجامی 3بە1 گۆڵ كۆتایی هاتوە.

یانەی هیلال دەیەوێت لەیاری گەڕانەوەشدا سەركەوتن تۆماربكات ، تاوەكو جیاوازیەكەی لەگەڵ ئیتیحادی پێشەنگ بۆ تەنها خاڵێك  كەمبكاتەوە.

لەبەرامبەردا یانەی ئیتیحاد كە 52 خاڵی هەیەو چوار خاڵ لەهیلالەوە دورە ، دەیەوێت بەبردنەوەی لەیاریەكەدا جیاوازیەكە بۆ 7 خاڵ بەرزبكاتەوەو هەنگاوێكی دیكە لە بردنەوەی نازناوەكە نزیكتر ببێتەوە.