رۆژوگرتن پەرستشێکی رۆحیی و جەستەییە، بۆ ئەوەی بتوانین لە مانگى پیرۆزى رەمەزاندا، جگە لە لایەنە ئایینى و رۆحییەکەى؛ سودى تەندروستیش وەربگرین کۆمەڵێک ختاڵ هەیە دەتوانین پەیڕەویان بکەین.


بەپێی رێنماییە تەندروستییەکان، کۆمەڵێک هەنگاو و رێگا دانراوە کە دەتوانن لەڕێی بەڕوژوبونەوە سودى تەندروستیش وەربگرن کە ئەمانەن:


پارشێوێکی تەندروست
باشترە خواردنێک بخۆین کە دەوڵەمەند بێت بە ریشاڵ و پڕۆتین وەک شۆفان و هێلکە و سەوزەوات، کە هاوکاریمان دەکەن ماوەیەکی درێژ بە تێریی بمێنینەوە.

جگە لەوانە هەوڵبدە پێش دەستپێکردنى رۆژەکەت و لە پارشێودا بڕێکی ئاوی باش بخۆیتەوە تا لە رۆژدا لەشت لە وشکبونەوە بەدور بێت.


بەربانگێکی هاوسەنگ
هەوڵبدە رۆژوەکەت بە ئاو و خورما بشکێنیت، سێ دەنک خورما بخۆ و دواتر پەرداخێک ئاو بخۆرەوە بۆ قەرەبوکردنەوەی ئەو کاتە زۆرەی بێ شەکر و شلەمەنییەکان بویت.


بڕێکی زۆر لە خواردن بە یەکجار مەخۆ، چونکە دەبێتە هۆی زیانگەیاندن بە گەدەت و هەوڵ بدە ژەمی ئێوارەت لەسەر بەربانگ با کاربۆهیدراتی ئاڵۆزی لەخۆگرتبێت وەک "برنج و نانی بۆر" و پرۆتین کە لە گۆشت و پاقلەمەنیەکاندا هەیە و سەوزەواتی تێدا بێت.



دوربکەوەرەوە لە خواردنی ناتەندروست
دوربکەرەوە لە خواردنی سورەوەکراو و چەور وەک بۆرەک و سەمبوسەی سورەوەکراو و خواردنی پڕ چەوری، چونکە دەبێتە هۆی خراپ هەرسکردن و زیادبونی کێشی جەستە.


هەروەها دوربکەوەرەوە لە خواردنی شیرینی و خوارنەوە گازییەکان، کە دەبێتە هۆی بەرزبونەوەیەکی خێرایی ئاستی شەکر کە دواتر بەهەمان خێرایی دادەبەزێت.


بەشێوەیەکی رێکخراو ئاو بخۆرەوە:
لەنێوان بەربانگ و پارشێودا بڕێکی تەواو لە ئاو بخۆرەوە کە لە هەشت پەرداخ ئاو کەمتر نەبێت بۆ ئەوەی خۆت لە وشکبونەوە بپارێزیت.


دوربکەوەرەوە لە خواردنەوەی قاوە و چا بە بڕێکی زۆر.


هەوڵبدە لە ئەنجامدانی چالاکی جەستەیی دانەبڕێیت
هەوڵبدە پاش نانخواردن چالاکی جەستەیی ئەنجام بدەیت وەک پیاسەکردن لەدوای نانخواردن و بەربانگ کردن، بۆ چالاککردنی سوڕی خوێن و باشترکردنی هەرسکردن.

دوربکەوەرەوە لە ئەنجامدانی چالاکی توند بەتایبەت لە رۆژە گەرمەکانی رۆژدا و لە کاتی رۆژوگرتندا، بۆ دورکەوتنەوە لە وشکبونەوە.


بەشی پێویست بنو
هەوڵبدە بەشی پێویست بنویت بۆ ئەوەی دوربیت لە ماندوبون بەدرێژایی رۆژ و دەکرێت دوای نیوەڕۆ سەرخەوێک بشکێنیت بۆ ئەوەی وزەی جەستە و هزرت نوێ بکەیتەوە.


رۆژوگرتن تەنها بۆ دورکەوتنەوە نییە لە خورادن وخواردنەوە، بەڵکو بۆ هاوسەنگ راگرتنی دڵ و دەرونیشە، دەتوانیت سود لە مانگی پیرۆزی رەمەزان وەربگریت بۆ پاکژکردنەوەی دڵ و دەرونیشت.


دەکرێت سود لە رۆژوگرتن ببینیت بۆ دورکەوتنەوە لە توڕەیی و کۆنترۆڵکردنی دەرونت.