ئۆکرانیا، ئاگربەستی لەگەڵ ڕوسیا پەسەند کرد و سەرۆکی ئەمەریکا، هیوا دەخوازێت، روسیاش پێشنیازی ئاگربەستی 30 ڕۆژە پەسەند بکات و سەرۆکی کۆمسیۆنی ئەورپا و سەرۆک وەزیرانی پۆڵەنداش پێشوازی لە ئاگر بەستەکە دەکەن.

هەواڵ:KNNC

لەدوای پەسەندکردنی پێشنیازی ئاگربەستی 30 ڕۆژە لەلایەن ئۆکرانیا، دۆناڵد ترەمپ سەرۆکی ئەمریکا ڕایگەیاند: ئۆکرانیا بە ئاگربەست و ڕێککەوتن ڕازی بوە و هیوادارە ڕوسیاش ئاگربەستەکە پەسەند بکات.

سەرۆکی ئەمریکا وتیشی: پێدەچێت لەم هەفتەیەدا لەگەڵ ڤۆلۆدیمیر پوتین کۆببێتەوە و جارێکی دیکەش ڤۆلۆدیمێر زیلینسکی بانگهێشتی کۆشکی سپی دەکەینەوە.

لایخۆشییەوە هەریەک لە ئۆرسۆلا ڤۆندێر لاین، سەرۆکی کۆمسیۆنی ئەوروپا و دۆناڵد توسک سەرۆک وەزیرانی پۆڵەندا پێشوازیان لە ئاگربەستەکە کرد و ئامادەیی خۆیان بۆ هەر هاوکاریی و هەماهەنگییەک دەربڕی.

لەلایەکی دیکەوە مایک واڵتز، ڕاوێژکاری ئاسایشی نیشتمانی ئەمریکا ڕایگەیاند: پێویستە هەمو شەڕەکان بوەستێنرێن.