لەسەر داوای جەهەپە ئەمڕۆ
لە تورکیا مانگرتنی بازاڕ بەڕێوەدەچێت و وەزیری ناوخۆی تورکیاش ئەو هەنگاوە
بە کودەتاى ئابورى ناو دەبات.
ئابوری:KNNC
بڕیارە ئەمڕۆ لەسەر
داوای خوێندکارانی زانکۆکانى تورکیا، مانگرتنی گشتیی و بایکۆتکردنى دوکان و بازاڕ
لەو وڵاتە بەڕێوەبچێت کە تێیدا بۆماوەی یەک ڕۆژ بایکۆتى سەرجەم چالاکییە ئابورییەکان
دەکرێت، ئەوەش وەک هەڵوێستێک بەرامبەر دەستگیرکردنى ئەکرەم ئیمامئۆغڵو سەرۆکى
شارەوانى ئیستەنبوڵ.
لە بەرامبەر ئەو هەڵوێستەى
جەهەپە، عەلی یەرلیکایا وەزیری ناوخۆی تورکیا لە تۆڕی کۆمەڵایەتی ئێکس نوسیویەتی: مانگرتن
لە دوکان و بازاڕ و ڕێگریکردن لە ساغبونەوەی بەرهەمی ناوخۆیی وڵاتەکە یاریکردنە بە
بژێوی هەزاران کەس.
ئاماژەی بەوەشداوە، ئەوانەی
لەپێناو بەرژەوەندی سیاسیی خۆیان، گەنجان و هاوڵاتییان هاندەدەن بچنە سەرشەقامەکان، بونەتە
هۆکاری پشێوی نائارامی ناوخۆیی لە تورکیا.
عەلی یەرلیکایا وتوشییەتی:
مانگرتن تیرۆرکردنی ئابوریی نەتەوەییە، کودەتایە دژی ئابوریی سەربەخۆی وڵاتەکە
و نابێت وڵات وەک ئامڕازی شەڕی تایبەت بەکاربێت.
215 جار خوێندراوەتەوە