عەباس عێراقچی ڕایگەیاند؛ نامەی فەرمی ئێران کە وەڵامی نامەکەی ئەمەریکای تیدایە لە ڕێگەی دەسەڵاتدارانی عومانەوە نێردراوە  بۆ سەرۆکی ئەمەریکا و جەختیش دەکەینەوە کە ئامادە نین  گفتوگۆی ڕاستەوخۆ لەژێر هەلومەرجی ئەوپەڕی فشاردا ئەنجام بدەن.

هەواڵ:KNNC

دوای نزیکەی دوو هەفتە لە نامەکەی ترەمپ بۆ ئەمەریکا، عەباس عەراقچی بە ئاژانسەکانی وڵاتەکەی راگەیاندوە، لە ڕێگەی دەسەڵاتدارانی عومانەوە بە فەرمی وەڵامی نامەکەی ئەمەریکامان داوەتەوە و وتویەتی وەک ئێران سورن لەسەر سیاسەتی خۆیان و  ئامادەن بە ناڕاستەوخۆ گفتوگۆ لەگەڵ ئەمەریکادا بکەن


وەزیری دەرەوە باسی لەوەشکردوە؛ نامەکە   بەڵگەنامەیەکی فەرمی و گشتگیرە  و تێیدا بۆچونەکانمان لەسەر دۆخی ئێستا و وردەکارییەکانی پلانەکەی سەرۆک ترەمپ بە تەواوی و بۆ بەرژەوەندی لایەنی بەرامبەر ڕون کردوەتەوە. 

جەختی کردوەتەوە دیدگاکانمان سەبارەت بە دۆخی ئێستا و نامەکەی سەرۆکی ئەمەریکا   بە تەواوی ڕون کراوەتەوە کە ئێمە سورین لەسەر سیاسەتی خۆمان و ئامادەی گفتوگۆی ناراستەوخۆین و ئەم وەڵامەشمان  دەگەیەنرێتە لایەنی بەرامبەر.

وەزیرەکەی ئێران جەخت لەوە دەکاتەوە؛ سیاسەتی ئەوان ئەوە نییە کە گفتوگۆی ڕاستەوخۆ لەژێر هەلومەرجی ئەو پەڕی فشاردا جێبەجێبکەن ، بەڵکو گفتوگۆی نا ڕاستەوخۆ  وەک ئەوەی لە ڕابردودا هەبوە دەتوانێت بەردەوامی هەبێت و لای ئەوان پەسەندە.