سەرۆك كۆماری ئێران رایدەگەیەنێت: مامەڵەكانی ئەمەریكا لەسەر
دۆسیەی ئەتۆمی وڵاتەكەی بەردەوامی دانوستانەكان دیاری دەكات.
هەواڵ: (KNNC)
مەسعود پزیشكیان، سەرۆك كۆماری ئێران رایدەگەیەنێت:
مامەڵەكانی ئەمەریكا لەسەر دۆسییەی بەرنامە ئەتۆمییەكەی ئێران بەردەوامی
دانوستانەكانی نێوان واشنتۆن و تاران دیاری دەكات.
وتیشی: وڵاتەکەی وەڵامی نامەکەی سەرۆکی ئەمەریکای
داوەتەوە كە تیادا تاران ئامادەیی خۆی بۆ دانوستانی ناڕاستەوخۆ لەگەڵ واشنتۆن
دەربڕیوە.
سەرۆك كۆماری ئێران ئاماژەی بۆ ئەوەشكردوە كە؛ کاتی ئەوە
هاتوە كە دوژمنایەتی تێپەڕێنن هاوكاری و رێزگرتن لەنێوان وڵاتەكەی و ئەمەریكا بكەن
بە بنەمای كاری پێكەوەیی.
دوای ناردنی نامەكەی بۆ عەلی خامنەیی، رێبەری كۆماری
ئیسلامی ئێران، دۆناڵد ترەمپ، سەرۆكی ئەمەریكا داوای دانوستان و رێككەوتنی لە ئەو وڵاتە كردبو، بەڵام
خامنەیی رەتی دانوستانی رەت كردبویەوە و رایگەیاندبو: رۆژئاواییەكان فێڵ لە
وڵاتەكەی دەكەن.
لە دورۆژی رابردودا، ترەمپ هەڕەشەی نوێی لە بەرپرسانی
ئێران كرد كە "دەبێت خۆیان بۆ روداوە ناخۆشەكان ئامادە بكەن"، چونكە
پابەند بەدانوستان نەبون.
262 جار خوێندراوەتەوە