بەرپرسانی ئەمەریکا و ئیسرائیل جەختیان كردوەتەوە كە ئامادەکارییەکان بۆ هێرش كردنە سەر ئێران تەواوكردوە و سەرۆكی فەرەنسا هۆشداری لە شكستی دیپلۆماسی دەدات.

هەواڵ: (KNNC)

رۆژنامەی دەیلی مەیلی بەریتانی ئاشكرایكردوە، بەرپرسانی ئەمەریکا و ئیسرائیل جەختیان كردوەتەوە كە ئامادەکارییەکان بۆ هێرش كردنە سەر ئێران تەواوكردوە و پێدەچێت لە چەند هەفتەی داهاتودا لە ئۆپراسیۆنێكی سەربازیدا هێرشێكی گەروە بۆ سەر تاران ئەنجامی بدەن.

ئەم پەرەسەندنە لە کاتێکدایە، ئاماژە سەربازییەکان دەریدەخەن كە واشنتۆن خۆی بۆ هەنگاوێکی لەو شێوەیە ئامادە دەکات و بۆ ئەو مەبەستەش حەوت فڕۆکەی بۆمبڕێژکراوی (B2)ـی لەگەڵ فڕۆکەی سوتەمەنی پڕکردنەوە لە بنکەیەکی سەربازی لە دورگەی دیێگۆ گارسیا لە زەریای هیندی جێگیركردوە.

بەپێی زانیاریە بەدەستهاتوەكانی رۆژنامە بەریتانییەكە، بڕیار وایە لە چەند هەفتەیەكی داهاتودا ئەمەریكا هێرشە سەربازییەكەی بۆ سەر تاران ئەنجام بدات و سەرەتاش لەڕێگەی هێرشی ئاسمانی بەرفراوانەوە دامەزراوە ئەتۆمییەکانی ئێران بەئاماند دەگرێت.

جێگری بەرپرسی سیاسی سوپای پاسدارانی ئێران جەختی كردوەتەوە كە، لەوەڵامدانەی هەر هێرشێك كەدەكرێتە سەر وڵاتەكەی سوپای وڵاتەكەی دودڵ نییە، بەجۆرێك وەڵام دەدرێنەوە كە لاپەڕەیەکی نوێ لە کاروباری ناوچەیی و جیهانیدا بکاتەوە.


هاوكات، سێ سەرچاوەی دیپلۆماسی بۆ رۆژنامەی دەیلی مەیلی بەریتانییان پشتڕاستکردەوە کە؛ ئیمانوێل ماکرۆن، سەرۆک کۆماری فەرەنسا لەگەڵ وەزیران و شارەزایانی ئەمنی وڵاتەكەی بۆ تاوتوێکردنی پرسەکانی پەیوەست بەئێران، و بەرنامە ئەتۆمییەکەی كۆبوەتەوە و رایگەیاندوە: وڵاتانی یەكێتی ئەوروپا مەترسیان هەیە هەوڵە دپیلۆماییەكان شكست بهێنێت و واشنتۆن كە هاوپەیمانەكەی ئیسرائیلە لە هێرشكردنە سەر ئێران شكست بهێنێت، ئەوروپاییەكان دەتوانن هێرش بكەنە سەر دامەزراوە ئەتۆمییەكانی ئێران.