جێگری وەزیری دەرەوەی روسیا ئاشكرایدەكات، لەكەمكردنەوەی گرژییەكانی نێوانیان لەگەڵ واشنتۆن، پێشكەوتنیان لەسەر پەیوەندییە دوقۆڵییەكەیان بەدەستهێناوە، بەڵام هێشتا زوە باس لە هەر پێشکەوتنێک بکرێت و ئاماژەی بۆ ئەوەشكردوە؛ پێش ئەوەی كاتەكەی درەنگ بكات و بۆ گەیشتن بەرێككەوتن مۆسكۆ ئامادەیە هاوكاری تاران و واشنتۆن بكات.


هەواڵ: (KNNC)


سێرگی ڕیابکۆڤ، جێگری وەزیری دەرەوەی روسیا رایگەیاند: لەكەمكردنەوەی گرژییەكانی نێوانیان لەگەڵ واشنتۆن، پێشكەوتنیان لەسەر پەیوەندییە دوقۆڵییەكەیان بەدەستهێناوە، لەسەر ئەو بنەمایەش روسیا ئارەزوی دەکات کە مۆسکۆ و واشنتۆن دەستپێشخەریەكی دیكە كە جۆرێک بێت لە جوڵەی ئابوری بكەن، بەڵام هێشتا زوە باس لە هەر پێشکەوتنێک بکرێت.


وتیشی: بۆ گفتوگۆكردن لەگەڵ ئەمەریکا، روسیا كراوەیە و سەبارەت بە سەقامگیری ستراتیژی و ئەگەری هەیە گۆڕانکارییەکی راستەقینە بۆ باشتركردنی سیاسەتەکەی بەرامبەر مۆسکۆدا نیشان بدات.


رونیكردەوە؛ لە کاتی دەستپێکردنەوەی دیالۆگ لەگەڵ واشنتۆن سەبارەت بە سەقامگیری ستراتیجی، دەبێت هۆکاری نوێ لەبەرچاو بگیرێت، لەوانە پلانەکانی دامەزراندنی سیستەمی بەرگری موشەکی گۆڵدن دۆم.


جێگری وەزیری دەرەوەی روسیا ئاماژەی بۆ ئەوەشكرد، پێش ئەوەی كاتەكەی درەنگ و بكات بۆ گەیشتن بەرێككەوتنێكی باش، روسیا ئامادەیە هاوكاری پێشكەش بە تاران و واشنتۆن بكات.