فرۆکە جەنگییەکانی ئیسرائیل بۆ یەکەمجار،  چەند پێگەیەکی سوپای سوریایان بە چری بۆردومان کرد  و بە گوێرەی زانیارییەکانی کەناڵی سوریاش، هەریەکە لە فیرقەی 75 و 91ی وڵاتەکە کراونەتە ئامانج.

هەواڵ:KNNC

ئەمشەو پێنجشەممە، جارێکیتر فڕۆکە جەنگییەکانی ئیسرائیل هێرشیان کردەوە سەر سوریا و بۆ یەکەمجاریش لە دوای هاتنە سەردەسەڵاتی ئەحمەد شەرع، فڕۆکەکانی ئیسرائیل راستەوخۆ  چەند پێگەیەکی سوپای ئەو وڵاتەیان کردوەتە ئامانج، لای خۆشیەوە  تەلەڤیزیۆنی سوریا بێ ئەوەی زیانەکان باس بکات، پشتراستی کردوەتەوە، هەریەکە لە لیواکانی 75 و 91ی وڵاتەکە کرانەتە ئامانج.

هەر ئەمڕۆ پێنجشەممە، لەبەیاننامەیەكدا ئیسرائیل کاتز، وەزیری بەرگری ئیسرائیل رایگەیاند، بۆ بەرەنگاربونەوەی مەترسییەكان و هەڕەشەکانی سەر ئاسایشی وڵاتەکەی، هێزەکانی سوپای ئیسرائیل لە ناوچە پارێزراوەکان لە ناوخۆی سوریادا دەمێننەوە و هەركاتێكیش پێویست بكات بەتوندی وەڵامی مەترسییەكان دەدەنەوە.

ئەمە یەکەمجار نییە ئیسرائیل سوریا بۆردومان دەکات، لە ڕابردوشدا بەردەوام ئەو کارەی کردوە و ئە شوێنانەی چەکی کیماییان تێدابوە کردونیەتی ئامانج و چەند جارێکێش شوێنی نیشیەجێبونەکانیش پارێزراو نەبون، هەر ئەمەش وای کردوە، کۆدەنگی جیهانی دروست بوە و ئیدانەی هێرشەکانی ئیسرائیل دەکەن.

ئەمە لەکاتێكدایە، درەنگانێکی شەوی چوارشەممە،  فڕۆکەکانی ئیسرائیل گەورەترین فڕۆکەخانەی سەربازیی سوپای پێشوی سوریایان لە دەرعا کردە ئامانج ودەسەڵاتدارانی شارەکەش رایانگەیناد، لە ئەنجامی هێرشەکەدازیاتر لە  9 هاوڵاتی مەدەنی کوژراون.

لای خۆیەوە نێردەی نەتەوە یەکگرتوەکان ئیدانەی هێرشە ئاسمانییەکانی کردوە، کە بەگوێرەی زانیارییەکانی ئەوان،  بوەتە هۆی کوژرانی خەڵکی سڤیل و جەختی لەوە کردەوە کە ئەم کارانە هەوڵەکان بۆ بنیاتنانی سوریایەکی نوێ و ئارام، چ لە ناوخۆ و چ لەگەڵ دراوسێ ناوچەییەکانی، تێکدەدەن.