رۆژی 14ـی ئەم مانگە گەشتێکی ئاسمانی بۆ بۆشایی ئاسمان ئەنجامدەدرێت کە سەرجەم سەرنشینانی کەشتییە ئاسمانییەکە ژنن.

هەواڵ:KNNC

کۆمپانیای بلو ئۆریجین کە خاوەنەکەی جێف بیزۆسی ملیاردێرە و دامەزرێنەری کۆمپانیای ئەمازۆنە، لە 14ـی نیساندا 11ـهیمن گەشتی بۆ بۆشایی ئاسمان ئەنجامدەدات، تەواوی ئەندامانی گەشتە ژنن، یەکێک لەو ژنانەش دەستگیرانی جێف بیزۆسە.

لە نێو ئەندامانی گەشتەکەدا، ئەستێرەیەکی پۆپ، دوو ڕۆژنامەنوس، زانایەکی موشەکی، چالاکوانێک و سینەماکار هەن.

کەشتییە ئاسمانییەکە لە 14ی نیسانی 2025 لە یەکەم شوێنی هەڵدانی لە ڕۆژئاوای تەکساس زەوی بەجێدەهێڵێت و بەسەر هێڵی کارماندا دەڕوات کە سنوری خەیاڵی نێوان زەوی و بۆشایی ئاسمانە.