کچێکی کورد بۆ یەکەم جار بڕوانامەی ماستەر بەپلەیەکى باڵا لە بوارى هێرشە ئەلیکترۆنییەکان بەدەستهێنا و لەداهێنانێکی نوێشدا توانیویەتی سیستمێکی نوێ بۆ دۆزینەوەی ئیمێڵی ساختە دابهێنێت.
هەواڵ:KNNC
ئەوین ئەنوەر ئەبوبەکر جاف، کچێکی کوردی خەڵکى سلێمانییە توانی بە سەرکەوتوی لە 28ی مانگی ئازاری ئەم ساڵ پلەی یەکەمی بڕوانامەی ماستەر لە زانکۆی بەناوبانگی نێودەڵەتی بەریتانیا لە شاری لیڤەر پوڵ بەدەستهێنا.
ئەو کچە کوردە رایگەیاندوە، ماستەرنامەکە کەلێنێکی گەورەی لە بواری سایبەری سیکیوریتی کە یەکێکە لە گرنگترین بەشەکانی ئاسایشی ئەلکترۆنی پڕکردوتەوە بە بەکارهێنانی زیرەکی دەستکرد و مۆدێلەکانی دیپ لێرنین، کە هاوکارە بۆ جیاکردنەوەی ئیمێڵى دروست و لە ئیمێڵى ساختەکان لە کاتی تاقیکردنەوەشیدا لەکۆى هەزار و 800 ئێمیڵ لە 96 % یانى یەکلایى کردوەتەوە.
ئەوین باسی لەوەشکردوە، سەرەڕای ئەوەی لەپاشخانێکی زمانەوانی و کولتوری و ئاینی جیاوازەوە چوتە ژینگەی خوێندن لە وڵاتی بەریتانیا، بەڵام توانی پلەی یەکەم لەھەردو بەشی ماستەر نامەکەی بەدەست بهێنێت.
376 جار خوێندراوەتەوە