وەزارەتی کارەبای حکومەتی هەرێمی کوردستان بڵاویكردەوە؛ بەمەبەستی
ئەوەی هاوینی ئەمساڵ پێدانی کارەبای نیشتمانی بە هاوڵاتیان زیاتر بکەن، وەزارەتی
سامانە سروشتییەکان هەماهەنگی لەگەڵ کۆمپانیای دانە گازدا پڕۆسەی سازدانەوە و
چاکسازی لە کێڵگەی کۆڕمۆردا دەکەن.
هەواڵ: (KNNC)
هەردو وەزارەتی کارەبا و سامانە سروشتییەکانی حكومەتی هەرێمی
كوردستان بڵاویانكردەوە؛ بەمەبەستی ئامادەکاری بۆ هاتنی وەزی هاوینی ئەمساڵ،
کۆمپانیای دانە گاز هەڵدەستێت بە ئەنجامدانی پڕۆسەی سازدانەوە و چاکسازی لە کێڵگەی
کۆڕمۆر، ئەم پرۆسەیە لە کاتژمێر (12:00)ـی ئەمشەوەوە دەستپێدەکات و ماوەی سێ هەفتە
دەخایەنێت.
لە راگەیەنراوەکەدا ئاماژە بەوەشکراوە، هەریەک لە وەزارەتی
کارەبا و وەزارەتی سامانە سروشتیەکان و کۆمپانیای دانە گاز هەماهەنگی نزیکیان
دەبێت بۆ ئەوەی پڕۆسەکە بەشێوەیەکی سەرکەوتوو ئەنجام بدرێت.
هەردو وەزارەتی کارەبا و سامانە سروشتییەکانی حكومەتی هەرێمی
كوردستان ئاماژەیان بۆ ئەوەشكردوە، چاوەڕوان
دەکرێت لەڕێگەی ئەنجامدانی ئەم پڕۆسەیەوە ئاستی خزمەتگوزاری کارەبا لە وەرزی
هاویندا بەشێوەیەکی بەرچاو بەرز ببێتەوە.
248 جار خوێندراوەتەوە