کەشناسی هەرێم رایگەیاند، ئەمڕۆ تاوەباران و بروسکە لە زۆربەی ناوچەکان بەردەوام دەبێت و سبەینێش ئەگەری نمەباران لە ناوچە شاخاوییەکان هەیە.

هەواڵ:KNNC

بەڕێوەبەرایەتی گشی کەشناسی و بومەلەرزەزانی هەرێم بڵاویکردەوە، ئەمڕۆ ئاسمان بەگشتی هەوردەبێت لەگەڵ دابارینی تاوەباران و بروسکە لە ناوچە جیاجیاکان، لە کاتەکانی ئێوارە کەش سەقامگیر دەبێت و ئاسمان بۆ نیمچە هەوردەگۆرێت و کاریگەری شەپۆلەکە تا درەنگانی شەو دەمێنێت.

دەشڵێت: پلەکانی گەرما دوو تــا ســێ پلە نزم دەبێتەوە.

سەبارەت بە کەشی سبەینێ پێنجشەممە کەشناسی هەرێم دەڵێت: ئاسمان لەنێوان نیمچە هەور و هەوری تەواو دەبێت ئەگەری نمە باران هەیە لەناوچە شاخاوییە سنوریەکاندا ، هاوکات پلەکانی گەرما بەراورد بە ئەمڕۆ دوو تا سێ پلە نزم دەبێتەوە.

بەرزترین پلەکانی گەرمای پێشبینیکراو بە پلەی سیلیزی:

هەولێر : 25  پلەی سیلیزی
سلێمانی : 23پلەی سیلیزی
دهۆک : 21  پلەی سیلیزی
کەرکوک : 27 پلەی سیلیزی 
زاخۆ  : 20 پلەی سیلیزی
هەڵەبجە : 20 پلەی سیلیزی
سۆران : 21 پلەی سیلیزی
حاجی ئۆمەران : 11 پلەی سیلیزی
گەرمیان :30 پلەی سیلیزی
بەشی پێشبینی