روداوەكانی هاتوچۆ لە سێ رۆژی جەژنی رەمەزاندا و لەناوچە جیاجیاكانی هەرێمی كوردستان (53) قوربانی لێكەوتوەتەوە كە پێنج گیان لەدەستدان و برینداربونی (48) كەسی دیكەبون.

هەواڵ: (KNNC)

بەپێی ئەو ئامارانەی لەلایەن بەڕێوبەرایەتییەكانی هاتوچۆی ناوچە جیاجیاكانی هەرێمی كوردستان بڵاوكراونەتەوە، لە هەر سێ رۆژی جەژنی رەمەزنی پیرۆزدا (26) رودوای هاتوچۆ رویانداوە و بەهۆشییەوە (53) هاوڵاتی بون بەقوربانی.

هەر بەپێی ئامارەكان، ژمارەی ئەو كەسانەی لە ورداوەكانی هاتوچۆدا لە سێ رۆژەكەی جەژنی رەمەزاندا گیانیان لەدەستداوە پێنج كەسن و ژمارەی بریندارەكانیش (48) كەس بون.

بەپێی زانیارییەكانی (KNN)، لەرۆژی یەكەمی جەژنی رەمەزانی پیرۆزدا لە سنوری پارێزگای سلێمانی (21) روداوی هاتوچۆ رویانداوە كە بەهۆیەوە سێ هاوڵاتی گیانیان لە دەستداوە و (27) كەسی دیكە بریندابون، كە (17)ـیان برینداری روداوی هاتوچۆی ئۆتۆمبیل و (10)ـی دیكە لەڕوداوی هاتوچۆی ماتۆڕسكیل بریندار  بون. 

لە دوەم رۆژی جەژنی رەمەزاندا لە سەر رێگەی كەلار باوەنور، روداوێكی هاتوچۆ لە جۆری پێكدادان لە نێوان ئۆتۆمبێلێك و ماتۆڕسكلیلێكدا رویدا، بەهۆیەوە شۆفێری ماتۆڕكسیلەكە بەسەختی برینداربوە و بۆ وەرگرتنی چارەسەری پێویست رەوانەی نەخۆشخانەكانی شاری سلێمانی كرا.

لە سێیەم رۆژی چەژنیشدا چوار روداوی هاتوچۆ لە (كەركوك، سۆران، كۆیە و سلێمانی) رویانداوە و بەهۆیەوە دو گیان لەدەستدان كە كچ و باوكێك لەسەر رێگەی سلێمانی پێنجوێن گیانیان لەدەستداوە و برینداربونی (20) كەسی دیكەی لێكەوتوەتوە.