حوسییەکانی یەمەن بە ئامانجگرتنی کەشتییە دەریاییەکانی ئەمەریکایان لە دەریای سور راگەیاند، وتەبێژی حوسییەکان دەڵێت: ئۆپەراسیۆنەکانیان دژی ئەو وڵاتە بەردەوام دەبێت تا ئەو کاتەی ئیسرائیل جینۆسایدی گەلی فەڵەستین رادەگرێت.

هەواڵ:KNNC

بەرەبەیانی ئەمڕۆ چوارشەممە یەحیا سەریع، وتەبێژی حوسییەکان رایگەیاند، لەوەڵامی دەستدرێژییەکانی ئەمەریکا بۆسەر وڵاتەکەیان هێزە دەریایی و موشەکی و ئاسمانییەکان و هێزە چەکدارەکان، هێرشەکانیان بۆسەر کەشتییە جەنگییەکانی ئەمەریکا لە دەریای سور دەستپێکردوە و بە ژمارەیەک موشەکی کروز و فرۆکەی بیکا لە دەریای سور دەستپێکردوە و بە ژمارەیەک موشەکی کروز و فرۆکەی بێفڕۆکەوان هێرشیان کردوەتەسەر کەشتی فڕۆکە هەڵگری ترومان و چەند کەشتییەکی دیکە.

ئاماژەی بەوەشکرد، ئۆپەراسیۆنەکانیان دژی ئەمەریکا بەردەوامە و کەرتی سەربازی ئەو وڵاتە دەکەنە ئامانج، تا ئەوکاتەی سوپای ئیسرائیل دەستدرێژییەکانی بۆسەر کەرتی غەززە دەوستێنێت و جینۆساید دژی گەلی فەلەستین رادەگرێت.

شەوی سێشەممە حوسییەکان کوژرانی سێ کەس و برینداربوونی سێ کەسی دیکەی لە هێرشە ئاسمانییەکانی ئەمریکا بۆ سەر پارێزگای ئەلحودەیدە لە ڕۆژئاوای یەمەن ڕاگەیاند.

ئەمەش لە چوارچێوەی زنجیرەیەک هەڵمەتی ئەمریکادا هات کە پارێزگاکانی سەعدە (باکوور) و حەجا (باکوری ڕۆژئاوا)ی کردە ئامانج.

لە 15ی ئازاردا، دۆناڵد ترەمپ، سەرۆکی ئەمریکا ڕایگەیاند کە فەرمانی بە سوپای وڵاتەکەی داوە "هێرشێکی گەورە" بۆ سەر گروپی حوسییەکان لە یەمەن دەستپێبکات.