ئێران دەڵێت: وەڵامی هەمو ئەو هێرشانە
دەداتەوە كە دەكرێتە سەر وڵاتەكەیان و دەشڵێت: هەڕەشەی بەرپرسە ئەمەریكییەكان
ناوچەكە زیاتر ئاڵۆز دەكات.
هەواڵ: (KNNC)
لەڕاپۆرتێكدا كە لەلایەن وه‌زاره‌تی
ده‌ره‌وه‌ی ئێران بڵاوكراوەتەوە، عه‌باس عێراقچی وەزیری دەرەوەی ئێران
رایگەیاندوە: دور لە هەڕەشەكان، تاران ئاماده‌یە بۆ دانوستانی ناڕاسته‌وخۆ لەسەر
بەرنامە ئەتۆمییەكەی له‌گه‌ڵ ویلایەتە
یەكگرتوەكانی ئه‌مەریكا.
وتوشیەتی: بۆ سەروەری خاكی وڵاتەكەیان
و پێشێل نەكردنی لەلایەن سوپای وڵاتانی دیكەوە، سوپای وڵاتەكەی وەڵامی هەمو ئەو
هێرشانە دەدەنەوە كە دەكرێنە سەریان، لەسەر هەڕەشەكانی واشنتۆن رەخنەی لە یەكێتی
ئەوروپا گرت و وتی: بێهەڵویستن.
عه‌باس عێراقچی وەزیری دەرەوەی ئێران ئاماژەی
بۆ ئەوەشكردوە: هەڕەشەی ژمارەیەك لە بەرپرسەكانی ئەمەریكا بەرامبەر بە وڵاتەكەی، قبوڵكراو
نییە و زیاتر ناوچەكە بەرەو ئاڵۆزی دەبات.
ماڵپه‌ڕی ئاکسیۆس رایگەیاند: کۆشکی
سپی تاوتوێی پێشنیازی ئێران بۆ ئەنجامدانی دانوستانی ناڕاستەوخۆی ئەتۆمی دەکات و
بەپرسانی ئەو وڵاتە دانوستانی راستەخۆ سەركەوتوترە، بەڵام پنتاگۆن هێزی سەربازی و
فڕۆكه‌ی جه‌نگی بۆ ناوچەکە دەنێرێت و كەشتییە فڕۆکە هەڵگرەکانی ترومان و ڤینسۆنیش
لەوێ دەمێننەوە.
پێشتر سەرۆكی
ئەمەریكا بۆ ئەنجامدانی رێککەوتنی نێوان هەردولاو لەسەر بەرنامە ئەتۆمیەكەی مادەی
دو مانگی بۆ تاران دیاریكردبو، هۆشداری بەتاران دابو؛ ئەگەر ڕێککەوتن نەکرێت، هێرشی
سەربازی بەكاردەهێنێت.
184 جار خوێندراوەتەوە