سەرۆكی ئەمەریكا باجی نوێ به‌سه‌ر چه‌ند وڵاتێكی جیهاندا ‌سه‌پاند كه‌بڕیار وایە لە ئەمڕۆوە بخرێتە بواری جێبەجێ كردنەوە، لەناویاندا عێراق بەبڕی (39%) باج و رەسمی گومرگی خرایە سەر كاڵاوشمە هەناردەكراوەكانی بۆ ئەو وڵاتە.

هەواڵ: (KNNC)


له‌كۆنگره‌یه‌كی رۆژنامه‌وانیدا دۆناڵد تره‌مپ سه‌رۆكی ئه‌مەریكا، رایگەیاند: رۆژی رزگاریی وڵاتەكەیەتی، چیدیکە رێگەنادەن لەلایەن وڵاتانی هاوپه‌یمان و نەیارەكانیانەوە، ئەمەریكا "تاڵان و وێران" و لەسەر بەرژەوەندییە ئابورییەكانی ئەوان خۆیان دەوڵەمەندبكەن، بۆیە فەرمانی جێبەجێكردنی باج و زیادكردنی رەسمی گومرگی لەسەر كاڵاوشمەكە هەناردەكراوەكانی وڵاتانی جیهان بۆ ئەمەریكا كۆتایی بەم دۆخە دەهێنێت.

وتیشی: كاتی واژۆكردنی سەپاندنی باجی هاوسەنگ كە رۆژی (2ـی 4ـی 2025)ـە دەچێتە نێولاپەڕەكانی مێژوەوە، ئەمەریكا وڵاتێكی دەوڵەمەندە و لەئێستا بەدواوە بۆ دەوڵەمەندبونەوەی وڵاتەكەیان چارەنوسی ئابوری خۆی وەرگرتەوە.

سەرۆكی ویلایەتە یەكگرتوەكانی ئەمەریكا جەختی كردەوە كە؛ ئێستا كاتی ئەوەیە وڵاتەكەی ‌ گه‌شه‌ بكات و ئەو بڕە پارە كە ملیارەها دۆلارە دەتوانن بۆ كەمكردنەوەی باجەكان و دانەوەی قەرزی حكومەت بەكاریبهێنن كەئەوەش لەئەنجامی ئەو كارەی ئەمڕۆ كردومانە بەخێرایی رودەدەن، ئەمەریكا گەورە دەكەینەوە بەجۆرێك لەجاران زۆر بەهێزتر و گەورەتر بنیادی دەبێنەوە.

بەپێی ئەو خشتەی لەلایەن دۆناڵد ترەمپ، سەرۆكی ئەمەریكا خرایە رو، سەپاندی باج و زیادكردنی رەسمی گومرگی لەسەر كاڵاوشمەكە هاوردەكراوەكان بۆ ئەمەریكا کەتیایدا ناوی وڵاتانی جیهان و بڕی باج و رەسمە گومرگیەكەی بەسەر چەند لیستێكدا دابەش کردبو، كە تیایدا بڕی باجی بەسەر ئۆتۆمبێلی وڵاتانی بیانیدا بەرێژەی (25%)ـدا سەپاند، هەروەها بەرێژەی (39%) باجی بەسەر کاڵاوشمەكە هەناردەكراوە عێراقییەكاندا سەپاند، هاوكات بەرێژەی (41%) باجی خستە سەر کاڵای سوریا و بەرێژەی (10%) باجی لەسەر کاڵاکانی هەریەکە لەوڵاتانی تورکیا و ئێران سەپاندوە.