ئەمەریكا سزای ئابوری بەسەر ئەو کەس و لایەنانەی بنکەکانیان لە روسیا سەپاندوە كە کاردەکەن بۆ هاوکاریکردنی حوسییەكانی یەمەن دەكەن.


هەواڵ: (KNNC)


وەزارەتی گەنجینەكانی ئەمەریکا ئاشکرایکرد؛ سزای ئابورییان بەسەر ئەو کەس و لایەنانەی بنکەکانیان لە روسیا سەپاندوە كە کاردەکەن بۆ هاوکاریکردنی حوسییەكانی یەمەن دەكەن و چەک و دانەوێڵەی ئۆکراینی  دزراو رەوانەی یەمەن دەكەن.


دەشڵێت: بێجگە لە دانەوێڵەی دزراوی ئۆكرانیا، ئەو بازرگانانەی بنكەی سەرەكی كاركردنیان لە روسیایە  ژمارەیەك چەک و کەلوپەلی هەستیاریان بۆ حوسییەكانی یەمەن رەوانەكردوە.


ئاژانسی رۆیتەرز بڵاویكردوەتەوە، هۆشەنگ خەیرات، و براكەی كە بەڕەچەڵەك ئەفغانین و بنكەی سەرەكی كاركردنیان لە روسیایە، هاوكارییان پێشكەش بە سەعید جەمال، بەرپرسی باڵای حوسییەکانیان كردوە و بەبەهای ملیۆنان دۆلار کاڵاوشمەكی روسییان هەناردەی ناوچەکانی ژێر دەسەڵاتی حوسییەکانی یەمەن كردوە.


وەزارەتی گەنجینەكان جەخت دەكاتەوە، گرتنەبەری رێكارەكانی سزادانی ئەو كەسانەی هاوكاری حوسییەكان دەكەن، لەچوارچێوەی ئەو هەوڵەكانی ویلایەتە یەكگرتوەكانی ئەمەریكایە بۆ لاوازكردنی توانای ئەو گروپە چەكدارە كە ئەوەش بەئامانجی نەهێشتنی هەڕەشە و مەترەسیەكانە كە لە دەریای سوردا بۆ كەشتییەكانی دروست دەكەن.