سوپای چین لەگەروی تایوان مانۆڕی سەربازی ئەنجام دەدات و ئەمەریكاش دەڵێت؛ گرژییەكان زیاتر دەبن و هەڕەشە لەسەر ئاسایشی ناوچەكە دروستدەكات.

هەواڵ: (KNNC)

لەبڵاوكراوەیەكدا، سوپای چین رایگەیاندوە: بەمەبەستی تاقیكردنەوەی هێزەكانی لە رێكحستن و كۆنترۆڵكردنی ناوچەكان و دروستكردنی پەیوەندی زیاتر لە نێوان یەكە سەربازییەكانیدا بۆ بەئامانج گرتن، لەگەروی تایوان مانۆڕێكی نوێی سەربازی ئەنجام دەدەن.

ئاماژەی بۆ ئەوەكردوە، مانۆڕەكە لە ناوەڕاست و باشوری گەروی تایوان ئەنجام دەدرێن، کە ناوچەیەکی ترانزیتی گەورەیە بۆ گواستنەوەی دەریایی لە جیهاندا.

میدیا جیهانییەكان ئاشكرایان كردوە، مانۆڕە سەربازییەكەی چین هاوشێوەی گەمارۆدانی دورگەی تایوان بۆ دەستبەسەردا گرتن و كۆنترۆڵكردنی بەڕێوەچوە و بۆ بەئامانج گرتنی ھاوشێوەکانی بەندەر و دامەزراوە سەرەکییەکانی وزە، سوپای ئەو وڵاتە لە  مەشقەكانیاندا چەكە زیندوە مەودا دورەكانیان بەكارهێناوە.

لای خۆشیەوە ئەمەریكا لەسەر مانۆڕە سەربازییەكەی لە گەروی تایوان هۆشداری بەچین داوە كە ئەو چالاکییە سەربازییە "شەڕانگێزێزانە" مەترسی زیادبونی گرژییەكانی لێدەكرێت هەڕەشە لەسەر ئاسایشی ناوچەکە و جیهان دەکات.