بەهۆی ئەو شەپۆلە خۆڵ بارینەی شاری كەركوكی گرتەوە، شەوی رابردو دەیان كەس سەردانی نەخۆشخانەكانیان كردوە و (119) حاڵەتی تەنگە نەفەسیش لە نەخۆشخانەكان تۆماركراون.

هەواڵ: (KNNC)

سامان یابە، بەڕێوبەری بەشی راگەیاندنی تەندروستی کەرکوک بە (KNN)ـی راگەیاند: دوای ئەوەی شەوی رابردو شەپۆلێكی خۆڵبارین ئاسمانی شارەكەی گرتوە، بەشی فریاکەوتنی نەخۆشخانەکان پێشوازییان لە دەیان حاڵەتی تەنگەنەفەسی كردوە و كە ژمارەیەكی زۆریان چارەسەری پێویستیان وەرگرتوە و رەوانەی ماڵەوە كراونەتەوە.

ئاماژەی بۆ ئەوەشكرد، ژمارەی ئەو كەسانەی كە چارەسەری تەنگەنەفەسییان بۆ كراوە، لە نەخۆشخانەی قەزای داقوق (60) كەس، نەخۆشخانەی گشتی كەركوك (36) كەس و لەنەخۆشخانەی ئازادی فێركاریش (23) نەخۆش چارەسەری تەنگەنەفەسییان وەرگرتوە.


كەركوك - ئۆژین جۆڵا