کەشناسی هەرێم رایگەیاند، درەنگانی شەو بارانبارین لە زۆربەی ناوچەکان دەستپێدەکات، سبەینێش لێزمە باران دەبارێت.

هەواڵ:KNNC

بەڕێوبەرایەتی گشتی کەشناسی و بومەلەرزەزانی هەرێم بڵاویکردەوە، لە ئێوارەدا نمە باران و بارانی مامناوەند لە سنوری ئیدارەی گەرمیان و پارێزگای هەڵەبجە دەست پێدەكات پاشان كاریگەریەكەی زیاد دەكات و لە درەنگانی شەو باران بارین لە زۆربەی ناوچەكانی هەرێم دەبێت كە هەندێك كات بە شێوەی لێزمە باران و هەورە تریشقە دەبێت.

دەشڵێت: پلەکانی گەرما كەمێك بەرزتر دەبێت بەرارود بە دوێنێ.

سەبارەت بە کەشی سبەینی شەممە کەشناسی هەرێم رایگەیاند، ئاسمان زۆربەی كاتەكان هەوری باراناوی دەبێت ، باران بارین لە زۆربەی ناوچەكان دەبێت و كە هەندێك كات بە شێوەی لێزمە باران و هەورە تریشقە دەبێت.

پێشبینیش دەکرێت، لە درەنگانی شەوی شەممە كەش سەقامگیر بێت و كاریگەری ئەو شەپۆڵە كۆتایی بێت، هەروەها پلەکانی گەرما دوو تا چوار پلە نزمتر ببێتەوە بەراورد بە ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:
هەولێر: 23 پلەی سیلیزی
سلێمانی: 20 پلەی سیلیزی
دهۆک: 20 پلەی سیلیزی 
کەرکوک: 25 پلەی سیلیزی  
زاخۆ: 20 پلەی سیلیزی
هەڵەبجە: 19 پلەی سیلیزی
سۆران: 16 پلەی سیلیزی
حاجی ئۆمەران: 9 پلەی سیلیزی
گەرمیان: 23 پلەی سیلیزی