نرخی زێڕ بەردەوامە لە بەرزبونەوە و نرخی ئۆنسەیەک گەیشتە 3109 دۆلار مامەڵەی پێوەدەکرێت.

ئابوری:KNNC

ئەمڕۆ هەینی، لەگەڵ کردنەوەی بازاڕە داراییەکان نرخی زێڕ بەشێوەیەکی بەرچاو بەرزبوەوە و ئۆنسەیەک بە 3.109 دۆلار مامەڵەی پێوەدەکرێت.

هاوکات، بەپێی داتاکانی ئاژانسی رۆیتەرز، نرخی ئایندەی زێڕی ئەمەریکا بە ڕێژەی 0.3% بەرزبوەتەوە و گەیشتوەتە 3.129 دۆلار مامەڵەی پێوەدەکرێت.

ئەمەش لەکاتێکدایە ترسی شەڕی بازرگانی جیهانی بەهۆی بەرپەرچدانەوەی گومرگەکانی دۆناڵد ترەمپ، سەرۆکی ئەمریکا، خواست لەسەر ئەو کانزا بەنرخە زیاد دەکات، کە زۆرجار وەک پەناگەیەکی سەلامەت سەیر دەکرێت.

سەبارەت بە کانزا بەنرخەکانی دیکە، نرخی یەک ئۆنسە زیو بە ڕێژەی 0.1% بەرزبوەوە و گەیشتە 31.89 دۆلار، پلاتینۆم بە 951.95 دۆلار و پالادیۆم بە ڕێژەی 0.3% دابەزی و گەیشتە 925.75 دۆلار.