بەرەبەیانی ئەمڕۆ ئاگر
لە بازاڕی دارەسوتاوەکەی سلێمانی کەوتەوە و زیاتر لە 100 دوکان سوتاون، بەبێ هیچ
زیانێکی گیانی ئاگرەکە کۆنتڕۆڵکرا.
هەواڵ:KNNC
کاتژمێر (4:00)ـی
بەیانی ئەمڕۆ ئاگر لە بازاڕی دارەسوتاوەکەی سلێمانی کەوتەوە و د. هەڤاڵ ئەبوبەکر
پارێزگاری سلێمانی رایگەیاند، ئاگرەکە هیچ زیانێکی گیانی نەبوە و کۆنتڕۆڵکراوە.
هاوکات، ژمارەیەک لە دوکاندارانی بازاڕەکە بە KNNـیان راگەیاند، ئاگرەکە
زۆر بە هێزبوە و گوماندەکەن بەهۆی تەزوی کارەباوە دروستبوبێت.
دەشڵێن: زەرەروزیانەکانی ئاگرەکە زۆرن بەوپێیەی زیاتر لە 100 دوکان سوتان و
زۆرینەی دوکانداران هیچ کەلوپەلێکیان بۆ دەرنەچوە و سەرجەمیان سوتاون.
وتەبێژی بەرگری شارستانی سلێمانی بە کەی ئێن ئێنی راگەیاند، لیژنەیەکی لێکۆڵینەوەیان
پێکهێناوە و لە ئێستادا سەرقاڵی خەمڵاندنی زەرەر و زیانەکان و لێکۆڵینەوە لە
هۆکاری کەوتنەوەی ئاگرەکە دەکەن.
59 جار خوێندراوەتەوە