کەشناسی هەرێم رایگەیاند، ئەمڕۆ بارانی لێزمە و هەورە بروسکە بەردەوام دەبێت و سبەینیش ئاسمان ساماڵ دەبێت.

هەواڵ:KNNC

بەڕێوەبەرایەتی گشتی کەشناسی و بومەلەرزەزانی هەرێم بڵاویکردەوە، ئەمڕۆ ئاسمان بە گشتی هەوری باراناوی دەبێت، لە هەندێک کات و شوێن دابارین بەشێوەی لێــزمە باران و هەورە بروسکەی لەگەڵدایە و لە درەنگانی شەو کەش سەقامگیر دەبێت و کاریگەری ئەم شەپۆلە کۆتاییدێت.

دەشڵێت: پلەکانی گەرما ســێ بۆ پێنـــج پلە نزم دەبێتەوە بەراورد بە دوێنێ.

سەبارەت بە کەشی سبەینێ یەکشەممە کەشناسی هەرێم رایگەیاند، ئاسمان ساماڵ بۆ نیمچە هەوردەبێت و بەرارورد بە ئەمڕۆ پلەکانی گەرما یــەک بۆ دوو پلە بەرزدەبێتەوە.

بەرزترین پلەکانی گەرمای پێشبینیکراو بە پلەی سیلیزی:

 
هەولێر : 25  پلەی سیلیزی
سلێمانی : 22پلەی سیلیزی
دهۆک : 23  پلەی سیلیزی
کەرکوک : 27 پلەی سیلیزی 
زاخۆ  : 24 پلەی سیلیزی
هەڵەبجە : 21 پلەی سیلیزی
سۆران : 21 پلەی سیلیزی
حاجی ئۆمەران : 16 پلەی سیلیزی
گەرمیان :29 پلەی سیلیزی